Sistema Ċentrali ta' Ġbir Online
Is-Sistema Ċentrali ta’ Ġbir Online hija l-għodda pprovduta mill-Kummissjoni Ewropea lill-organizzaturi tal-inizjattiva taċ-ċittadini Ewropej biex jiġbru d-dikjarazzjonijiet ta’ appoġġ online. Mill-2023 hija l-unika sistema li l-organizzaturi ta’ inizjattivi ġodda jistgħu jużaw biex jiġbru l-firem għall-inizjattivi tagħhom online.
Tgħallem aktar dwar is-Sistema Ċentrali ta’ Ġbir Online (COCS), offruta lill-organizzaturi tal-inizjattivi mill-Kummissjoni Ewropea.
Nota ta’ gwida ĠDIDA dwar is-Sistema Ċentrali ta’ Ġbir Online:
Pariri u suġġerimenti dwar il-ġbir tal-firem
Tinsiex!
Il-firmatarji jeħtieġu jkunu ċittadini tal-UE (ċittadini tal-Istati Membri tal-UE) u għandhom biżżejjed età biex jivvutaw fl-elezzjonijiet tal-Parlament Ewropew (l-età ta’ 18-il sena jew anqas f’xi Stati Membri) – sakemm l-Istat Membru ma jkunx iddeċieda li jbaxxi l-età minima għall-firmatarji għal 16 u jkun informa lill-Kummissjoni dwar dan. Ara l-lista tar-rekwiżiti tal-età.
Aqra aktar hawnhekk:
Anatomija ta’ miraklu: kif fl-aħħar 20 jum tal-kampanja Stop Finning EU seħħet bidla radikali.
L-Awtoritajiet Nazzjonali Jieħdu l-Inkarigu dwar Kif Tiżgura li l-Firem Tiegħek Jiġu Vverifikati
F’dan il-video Jerome Stefanini, l-uffiċjal tal-IT responsabbli għas-sistema fil-Kummissjoni jenfasizza l-proprjetajiet u l-vantaġġi tagħha u jwieġeb għall-mistoqsijiet u l-kummenti mill-organizzaturi tal-ECI.
Nitgħallmu mingħand min irnexxielu: pariri u suġġerimenti dwar il-ġbir tal-firem mingħand Olga Kikou, End the Cage Age, organizzatur ta’ inizjattiva taċ-ċittadini Ewropej.