Taifead
Aoi-chainteoir: Olga Kikou, an tionscnamh dar teideal ‘Stop the Cage Age’ [Ná coinnímis ainmhithe i gcásanna feasta]
Modhnóir: Francisco Aranda Ruiz, CARSA
Teangacha: EN, ES, DE, FR, EL
Má chaill tú an seimineár gréasáin, féach an taifeadadh físe (atá ar fáil i mBéarla, i Spáinnis, i nGearmáinis, i bhFraincis agus i nGréigis) agus an cur i láthair PowerPoint chun tairbhe a bhaint as treoir phraiticiúil maidir leis na bealaí éagsúla le cistí a thiomsú agus leis na torthaí is fearr is féidir a bhaint amach do do thionscnamh. Is féidir leat teacht ar leaganacha na dteangacha difriúla ach an teanga atá uait a roghnú sa seinnteoir físeán.
Is í Olga Kikou Bainisteoir Gnóthaí Eorpacha le 'Compassion in World Farming', eagraíocht idirnáisiúnta a bhíonn ag obair ar mhaithe le leas ainmhithe feirme agus ar bheartas maidir le bia agus feirmeoireacht inbhuanaithe. Bhí sí ina comhordaitheoir tionscnaimh don tionscnamh Eorpach ó na saoránaigh dar teideal ‘Ná coinnímis ainmhithe i gcásanna feasta’.
Clár an tSeimineáir Gréasáin
1. Réamhrá le Francisco Solano Aranda Ruiz [Nóiméad 0 go 3]
2. Míniú ginearálta ar Fhóram an Tionscnaimh Eorpaigh ó na Saoránaigh [Nóiméad 3 go 7]
3. Treoir maidir le cistiú a thiomsú [Nóiméad 7 go 17]
4. Píosa cainte ó Olga Kikou [Nóiméad 17 go 34]
5. Ceisteanna agus freagraí [Nóiméad 34 go 41]
Tiocfaidh tú ar fhreagra na gceisteanna seo a leanas sa seimineár gréasáin seo:
- Cad iad na bealaí le cistí a thiomsú do do thionscnamh Eorpach ó na saoránaigh?
- Cad chuige a dteastaíonn an t-airgead uait mar fheachtasóir?
- Conas is féidir airgead a chur i leataobh go cliste?
Is iad seo a leanas na pointí is tábhachtaí ón seimineár gréasáin seo:
- Ba cheart d’eagraithe dul i dteagmháil le comhpháirtithe féideartha (tríd an líonra atá acu, páirtithe leasmhara eile, an rannóg ‘Nasc’ ar Fhóram an Tionscnaimh Eorpaigh ó na Saoránaigh). Ba cheart dóibh freisin tógáil ar an líonra eagraíochtaí neamhrialtasacha agus cónaidhmeanna a d’fhéadfadh tacú lena dtionscnamh.
- Is iad seo a leanas bealaí féideartha chun cistí a thiomsú leat féin: sluamhaoiniú, maoiniú idir piaraí, marsantú, foinsí eile a eagrú (e.g. cóisir).
- Is féidir le himeachtaí poiblí agus pearsana poiblí cuidiú leat chun suim a mhúscailt san fheachtas agus aird a tharraingt air.
Séanadh:
- Rinneadh an seimineár gréasáin seo a thaifeadadh in 2018. Dá bhrí sin, níl cuid den eolas i gcomhréir leis an gcreat dlíthiúil atá i bhfeidhm faoi láthair agus a tháinig i bhfeidhm an 1 Eanáir 2020. Baineann an t-eolas atá as dáta leis an bpointe seo a leanas a luadh le linn an tseimineáir gréasáin:
An amlíne atá le feiceáil ar shleamhnán 6 (Nóiméad 3:32 - 7:05).
De réir an chreata dlí atá i bhfeidhm faoi láthair, is é seo a leanas an amlíne atá ceart:
Clárú: 2+2 mhí
Bailiúchán: 12 mhí
Fíorúchán: 3+3 mhí ar a mhéad
Tíolacadh: 3 mhí ar a mhéad
Scrúdú agus freagra ón gCoimisiún Eorpach: 6 mhí
Tá tuilleadh eolais faoi na rialacha nua maidir leis an Tionscnamh Eorpach ó na Saoránaigh ar fáil ach féachaint ar an seimineár gréasáin seo, an bhlagphostáil seo a léamh agus ar shuíomh gréasáin an Tionscnaimh Eorpaigh ó na Saoránaigh.
