- Cainteoirí
- Daniela Vancic, Ceannaire Beartais Eorpaigh agus Abhcóideachta Eorpaí le Democracy International, Vlad Adamescu, comhbhunaitheoir Politică La Minut
- Na catagóirí
Taifead
Painéal
- Daniela Vancic, Ceannaire Beartais Eorpaigh agus Abhcóideachta Eorpaí le Democracy International
- Vlad Adamescu, comhbhunaitheoir Politică La Minut
- Paola Zamboni, Foireann Fhóram an Tionscnaimh Eorpaigh ó na Saoránaigh
Is féidir le tionchairí na meán sóisialta agus cruthaitheoirí ábhair cabhrú le tionscnaimh Eorpacha ó na saoránaigh dul i bhfeidhm ar lucht féachana nua, muinín a chothú agus tacaíocht a shlógadh lasmuigh de na líonraí atá ann cheana. D’fhéadfadh a rannpháirtíocht a bheith an-luachmhar d’fheachtais a oibríonn le buiséid theoranta agus le foirne beaga.
Ar chaill tú an seisiún beo? Féach ar thaifeadadh iomlán an tseimineáir gréasáin thuas chun foghlaim conas tionchairí ábhartha a shainaithint, fíorchaidrimh a fhorbairt le cruthaitheoirí ábhair, agus straitéisí éifeachtacha meán sóisialta a fhorbairt chun infheictheacht agus tionchar feachtais TES a mhéadú.
Sa seimineár gréasáin seo, chomhroinn saineolaithe ó Fhóram an Tionscnaimh Eorpaigh ó na Saoránaigh agus cruthaitheoir ábhair pholaitiúil a bhfuil taithí aige comhairle phraiticiúil agus ceachtanna ó fheachtais TES ar éirigh leo. Rinneadh iniúchadh sa phlé ar an gcaoi ar féidir le heagraithe tionchairí a spreagadh ar fud tíortha, comhoibriú ar ábhar na meán sóisialta agus lucht tacaíochta a shlógadh le hacmhainní teoranta.
An méid a mhínítear sa seimineár gréasáin seo
- Conas tionchairí agus cruthaitheoirí ábhair ábhartha a shainaithint le haghaidh feachtas TES
- Conas fíorchaidrimh a fhorbairt lena spreagtar cruthaitheoirí chun tacú le tionscnamh
- Conas tionchairí a spreagadh gan buiséid mhóra bolscaireachta
- Conas postálacha comhoibríocha agus gnéithe eile de na meáin shóisialta a úsáid chun infheictheacht an fheachtais a mhéadú
- Conas straitéisí cumarsáide a chur in oiriúint do phobail náisiúnta éagsúla agus d’ardáin éagsúla meán sóisialta
- Conas for-rochtain chórasach tionchairí a eagrú agus cruthaitheoirí a spreagadh chun teachtaireachtaí feachtais a chomhroinnt
Is iad seo a leanas na daoine a thug cur i láthair do na rannpháirtithe:
- Daniela Vancic, Ceannaire Beartais Eorpaigh agus Abhcóideachta Eorpaí le Democracy International. Chomhroinn sí ceachtanna ó fheachtais TES ar éirigh leo, chomh maith le moltaí praiticiúla chun tionchairí a shainaithint agus a mhealladh.
- Vlad Adamescu, comhbhunaitheoir Politică La Minut. Tionscnamh meán sóisialta de chuid na Rómáine a bhí sa tionscnamh sin, agus mhínigh sé an pholaitíocht agus an beartas poiblí do lucht féachana de thart ar 200,000 leantóir. Roinn Vlad dearcadh cruthaitheora ábhair a chuireann gnóthaí polaitiúla agus Eorpacha in iúl do lucht féachana níos óige.
Ba í Paola Zamboni ó Fhoireann Fhóram an Tionscnaimh Eorpaigh ó na Saoránaigh a rinne modhnóireacht ar an seimineár gréasáin.
Na príomhléargais ón bplé
- Tabhair tús áite d’ábharthacht thar raon feidhme. Is mó tábhacht a bhaineann le lucht féachana rannpháirteach agus guthanna iontaofa ná líon lucht leanúna.
- Smaoinigh ar an bpictiúr mór, ní ar thionchairí polaitiúla amháin. Is féidir le cruthaitheoirí stíle maireachtála, pobail chluichíochta agus guthanna áitiúla cabhrú chun lucht féachana nua a shroicheadh.
- Forbair fíorchaidrimh. Cruthaitheoirí a chreideann i do chúis, is mó seans go gcuirfidh siad tacaíocht fhiúntach bhuan ar fáil.
- Oibrigh le buiséid theoranta. Tosaigh le cruthaitheoirí níos lú, líonraí áitiúla agus postálacha comhoibríocha chun infheictheacht a mhéadú.
- Bí straitéiseach agus marthanach. Déan for-rochtain a phearsantú agus cuir do chur chuige in oiriúint d’ardáin éagsúla agus do lucht féachana náisiúnta.
Clár an tseimineáir gréasáin
- Fáilte agus réamhrá le Paola Zamboni, Foireann Fhóram an Tionscnaimh Eorpaigh ó na Saoránaigh.
- Ról tionchairí i bhfeachtais TES
- An fáth a bhfuil tábhacht le tionchairí agus conas cruthaitheoirí ábhartha a shainaithint – Daniela Vancic [Nóiméad 04:59–11:01]
- Postálacha comhoibríocha a úsáid agus tionchairí a mhapáil ar fud tíortha [Nóiméad 11:01–15:37]
- Ag obair le tionchairí nuair a bhíonn buiséid theoranta agat [Nóiméad 15:37–19:24]
- Dearcadh cruthaitheora ábhair – Vlad Adamescu [Ón nóiméad 19:50]
- An chaoi a gcothaíonn cruthaitheoirí ábhair muinín agus a spreagann siad lucht féachana
- Plé idirghníomhach agus Ceisteanna agus Freagraí le rannpháirtithe
- Fíorchaidrimh a chothú le tionchairí
- Ardáin meán sóisialta a roghnú do lucht féachana éagsúil
- For-rochtain tionchairí a eagrú le hacmhainní teoranta
- Focail scoir
Ceisteanna a freagraíodh sa seimineár gréasáin
- Cén chaoi ar féidir le heagraithe tionscnamh Eorpach ó na saoránaigh tionchairí a shainaithint a bhféadfadh suim a bheith acu tacú lena gcúis?
- An féidir tacaíocht tionchairí a fháil gan íoc as ábhar fógraíochta?
- Cén chaoi ar féidir le feachtais tionchairí a spreagadh chun tacú le tionscnamh agus gan díreach postáil amháin a chomhroinnt?
- Cad iad na hardáin meán sóisialta is éifeachtaí do lucht spéise agus d’ábhair éagsúla TES?
- Cén chaoi ar féidir le foirne beaga TES for-rochtain tionchairí a eagrú ar fud roinnt Ballstát den Aontas?
- An féidir leis an intleacht shaorga cuidiú chun tionchairí ábhartha a shainaithint agus a mhapáil?
Tuilleadh comhairle agus tacaíochta
Féach leat na hacmhainní sin chun tuilleadh a fhoghlaim faoi rannpháirtíocht tionchairí agus faoi fheachtais TES ar éirigh leo:
- Nóta treorach ó Fhóram an Tionscnaimh Eorpaigh ó na Saoránaigh: An dóigh ar féidir le tionchairí meán sóisialta cuidiú i dtaobh móiminteam a fhorbairt d’fheachtas TES
- Scéal eagraí tionscnaimh Eorpaigh ó na saoránaigh: An chaoi ar scaip ‘Stad de chluichí físeáin a scriosadh’ agus an méid is féidir leat a fhoghlaim uaidh
- Scéal eagraí tionscnaimh Eorpaigh ó na saoránaigh: Milliún síniú laistigh de 10 lá: An chaoi a ndearna an tionscnamh ‘Déantar cleachtais tiontúcháin a chosc’ é
- Scéal eagraí tionscnaimh Eorpaigh ó na saoránaigh: An fáth ar féidir le tionchairí agus ceannairí tuairimíochta do TES a chur chun cinn nó a chur ó rath
- Postáil ó bhlag an Tionscnaimh Eorpaigh ó na Saoránaigh: Conas tionscnamh Eorpach ó na saoránaigh a chun chun cinn in éineacht le tionchairí agus ar na meáin shóisialta: freagraí praiticiúla ar cheisteanna eagraithe
Cuireann Fóram an Tionscnaimh Eorpaigh ó na Saoránaigh tacaíocht saor in aisce agus treoir phraiticiúil ar fáil d’eagraithe, nótaí treorach, seimineáir ghréasáin, ábhair oiliúna, samplaí feachtais agus an tseirbhís ‘Cuir ceist ar shaineolaí’ chun comhairle dlí agus feachtais a fháil san áireamh. Cláraigh ar an bhFóram chun smaointe a mhalartú le daoine eile agus chun féachaint ar na hacmhainní atá ar fáil chun go n-éireoidh le do thionscnamh.
Ardán: Webex
Teanga: Béarla
- Na catagóirí
Na seimineáir ghréasáin is déanaí
- Cainteoirí
- Pavel Zálešák, ball den TES ‘Stop Destroying Videogames’ [‘Stad de chluichí físeáin a scriosadh’], Olga Kikou, ball den TES ‘Good Food For All’ [‘Bia maith do chách’] agus iarbhall den TES ‘End the Cage Age‘ [‘Ná coinnímis ainmhithe i gcásanna feasta’]
- Na catagóirí
- Cainteoirí
- Ionut Grigoras, Oifigeach Beartais de chuid an Choimisiúin Eorpaigh, Ioana-Virginia Motoc, Saineolaí dlí den tseirbhís ‘Fiafraí de shaineolaí’ , Claire Damilano, Bainisteoir Comhairle Dlí Fhóram an Tionscnaimh Eorpaigh ó na Saoránaigh
- Na catagóirí
Na tuairimí atá curtha in iúl ar Fhóram an Tionscnaimh Eorpaigh ó na Saoránaigh, is é dearcadh a n-údar amháin a léiríonn siad agus ní féidir a thuiscint in aon chor go léiríonn siad seasamh an Choimisiúin Eorpaigh nó an Aontais Eorpaigh.
