Conas sínithe a bhailiú

D’fhéadfaí a mhaíomh gurb í an chéim bailithe sínithe an chéim is deacra den tionscnamh. Mar eagraí, tá 12 mhí agat chun 1 mhilliún síniú a bhailiú agus an tairseach a bhaint amach i 7 mBallstát éagsúla ar a laghad. Dá bhrí sin, mar eagraí, ní mór duit tuiscint a bheith agat ar conas sínithe a bhailiú le haghaidh do thionscnaimh agus ar na bealaí éagsúla chun an méid sin a dhéanamh. 

An mian leat TES a shíniú? Féach ar na tionscnaimh atá ann faoi láthair atá ar oscailt chun sínithe a bhailiú anseo!

Faigh tuilleadh eolais faoi conas ráitis tacaíochta a bhailiú sa treoirnóta thíos: 

Is é an lárchóras bailithe ar líne, a chuireann an Coimisiún Eorpach ar fáil d’eagraithe TES saor in aisce, an t-aon uirlis amháin atá ann chun ráitis tacaíochta a bhailiú ar líne. 

Léigh tuilleadh eolais faoin lárchóras bailithe ar líne sa treoirnóta thíos: 

Foghlaim ón saineolaí!

San fhíseán seo, leagann Jerome Stefanini, an t-oifigeach TF atá freagrach as an Lárchóras Bailithe Ar Líne sa Choimisiún, béim ar a airíonna agus a bhuntáistí, agus tugann sé freagraí ar cheisteanna agus ar bharúlacha ó eagraithe TES.

Foghlaim ó na daoine ar éirigh leo! 

San fhíseán seo, comhroinneann Olga Kikou, eagraí an tionscnaimh rathúil ‘End the Cage Age’ [‘Ná coinnímis ainmhithe i gcásanna feasta’], leideanna agus cleasa maidir le sínithe a bhailiú. 

Cuimhnigh!

Ní mór do shínitheoirí a bheith ina saoránaigh den Aontas Eorpach (náisiúnaigh de na Ballstáit) agus sean go leor chun vóta a chaitheamh i dtoghcháin Pharlaimint na hEorpa (is é sin 18 mbliana d’aois i ngach Ballstát nó níos óige i roinnt Ballstát) – seachas sna cásanna sin ina bhfuil sé socraithe ag an mBallstát an aois íosta do shínitheoirí a laghdú go 16 agus ina bhfuil an Coimisiún curtha ar an eolas aige dá réir sin. Féach an liosta riachtanas aoise. 

Léigh na blagphostálacha seo thíos chun tuilleadh leideanna agus cleas a fhoghlaim maidir le sínithe a bhailiú. 

Foghlaim ó TESanna ar éirigh leo

Foghlaim ó eagraithe ar éirigh leo 1 mhilliún síniú fíoraithe a bhailiú. Léigh na Scéalta Ratha.