Seimineár gréasáin, ‘Struchtúir feachtais a thuiscint le haghaidh tionscnamh Eorpach éifeachtach ó na saoránaigh’, 2025

Scaoil leat na rúin maidir le Tionscnaimh Eorpacha rathúla ó na Saoránaigh (TESanna) a bhaint amach! 

Glac páirt le Daniela Vancic ó Democracy International agus Fóram an Tionscnaimh Eorpaigh ó na Saoránaigh agus í ag óstáil seimineár gréasáin in éineacht le heagraithe na dtionscnamh Eorpach ó na saoránaigh Mo Ghuth, Mo Rogha (a fuair breis agus 1 mhilliún síniú!) agus Psychedelicare. Foghlaim faoi straitéisí praiticiúla maidir le feachtais TES agus faoi struchtúir éifeachtacha feachtais chun an leas is mó is féidir a bhaint as do thionchar.

Cuireann an seimineár gréasáin seo leideanna ón taobh istigh ar fáil d’eagraithe TES agus feachtasóirí, agus míneofar ann conas a bhain an tionscnamh ‘Mo Ghuth, Mo Rogha’ an chloch mhíle amach agus an dóigh a bhfuil Psychedelicare ag tógáil feachtas díláraithe TES ón mbun aníos. Féach leat an bealach chun foireann feachtais láidir a thógáil, cumarsáid ilteangach a bhainistiú agus tionchairí meán sóisialta a spreagadh.

Príomhphointí:

• Teacht chun cinn an fheachtais TES: Straitéisí a oiriúnú chun go n-éireoidh go fadtéarmach leis 
• Struchtúir Láraithe vs Struchtúir Dhíláraithe agus Struchtúir feachtais hibrideacha: Foirne Eorpacha agus náisiúnta a thógáil 
• Slógadh an phobail
• Cumarsáid ilteangach: Dul i dteagmháil le lucht féachana éagsúil ar fud an Aontais 
• Margaíocht tionchairí do TESanna: Do theachtaireacht a mhéadú 
• Oiriúnú d’algartaim na meán sóisialta: An leas is fearr is féidir a bhaint as teagmháil ar líne 
• Dea-chleachtais maidir le cumarsáid TES: Teachtaireachtaí agus uirlisí éifeachtacha 
• Uirlisí comhoibriúcháin ar líne: Feachtais mhórscála a chomhordú 
• Gluaiseacht saoránach a thógáil: Eagraíochtaí agus daoine a chónascadh 
• Sainchumarsáid le haghaidh TESanna: Insintí a chruthú a théann go mór i bhfeidhm ar dhaoine 

Clár an tseimineáir gréasáin 

1. Réamhrá le Daniela Vancic – Bainisteoir Cláir Eorpach maidir le feachtasaíocht le haghaidh TES agus na struchtúir éagsúla feachtais [nóiméad 0:25 go 6:25]

• An Struchtúr Láraithe, nuair a bhíonn croífhoireann amháin taobh thiar den straitéis agus dá cur i bhfeidhm.
• An Struchtúr Díláraithe, nuair a ligtear do ghrúpaí nó do réigiúin iomadúla oibriú go leath-neamhspleách faoi fhís chomhroinnte.
• An Struchtúr bunaithe ar Chomhghuaillíocht, a dearadh chun acmhainní agus cumhacht a leathnú trí chomhpháirtíochtaí le heagraíochtaí éagsúla.

2. Cur i láthair ó Kristina Krajnc – Comhairleoir Dlí ar an tionscnamh ‘Mo Ghuth, Mo Rogha’ [nóiméad 6:25 go 13:00] agus Veronika Povz – Ceann cumarsáide ar an tionscnamh ‘Mo Ghuth, Mo Rogha’ [nóiméad 13:00 go 19:47]
3. Cur i láthair ó Théo Giubilei, eagraí an TES ‘PsychedeliCare’ [nóiméad 20:45 go 30:30] 
4. Ceisteanna agus freagraí [nóiméad 31:30] 

Tiocfaidh tú ar fhreagraí na gceisteanna seo a leanas sa taifeadadh seo den seimineár gréasáin: 

• Cén chaoi ar thug tú rannpháirt do na comhpháirtithe eile? An raibh siad ina ndlúthchuid den fhoireann, nó an raibh siad díreach ina n-iolraitheoirí? [Nóiméad 31:54]
• Conas a fuair tú na cistí ba ghá chun tacú le hobair na ndaoine uile a raibh baint acu le foireann lárnach an fheachtais? I bhfianaise scála na hiarrachta, glacaim leis nach ar ranníocaíochtaí deonacha amháin a bhí sé bunaithe. [Nóiméad 38:05]
• Conas a d’éirigh leat tionchairí na meán sóisialta a spreagadh chun tacú le d’fheachtais? Cén dóigh ar tháinig tú orthu agus conas a thuig tú go bhféadfaidís cur le do chúis? [Nóiméad 41:19]
• An bhfuil tú ag úsáid na ndeiseanna anois díreach chun cuspóirí an dá TES sin a shaothrú sula gcuirfidh an Coimisiún na tograí i láthair maidir le todhchaí bhuiséad an Aontais i mí an Mheithimh? [Nóiméad 45:55] 
• Ó do thaithí féin, cad is cumarsáid éifeachtach ann? An bhfuil aon dea-chleachtas nó príomhthosca ratha ann a mholfá? [Nóiméad 49:29]

Teanga: Béarla 

Féach anois chun foghlaim conas tionscnamh rathúil Eorpach ó na saoránaigh a sheoladh agus a reáchtáil!