An seiminéar gréasáin ‘Rialacha nua don Tionscnamh Eorpach ó na Saoránaigh amhail ó 2020’, 2019

Aoi-chainteoir: Olga Kurpisz, An Coimisiún Eorpach

Modhnóir: Flavio Grazian, Seirbhís Gnímh na Saoránach Eorpach

Teangacha: EN, ES, DE, FR, IT

Má chaill tú amach ar an seimineár gréasáin, féach an fístaifeadadh (atá ar fáil i mBéarla, i nGearmáinis, i bhFraincis agus in Iodáilis) chun tuilleadh eolais a fháil faoi na hathruithe a tugadh isteach leis an athchóiriú a rinneadh ar an Tionscnamh Eorpach ó na Saoránaigh. Is féidir leat teacht ar leaganacha na dteangacha difriúla ach an teanga atá uait a roghnú sa seinnteoir físeán.

Is Oifigeach Beartas í Olga Kurpisz in Ard-Stiúrthóireacht an Choimisiúin Eorpaigh. Oibríonn sí ar an Tionscnamh Eorpach ó na Saoranaigh.

Clár an tSeimineáir Gréasáin

1. Réamhrá le Flavio Grazian [Nóiméad 0 go 4]

2. Forbhreathnú ar an Tionscnamh Eorpach ó na Saoránaigh le Flavio Grazian [Nóiméad 4 go 7]

3. Píosa cainte ó Olga Kurpisz [Nóiméad 7 go 38]

4. Ceisteanna agus freagraí le Olga Kurpisz [Nóiméad 38 go 59]

Tiocfaidh tú ar fhreagra na gceisteanna seo a leanas sa seimineár gréasáin seo:

– Cad iad na hathruithe atá ann d’eagraithe i bhfianaise an athchóirithe a rinneadh ar an Tionscnamh Eorpach ó na Saoránaigh?

– Conas a éascaíonn an t-athchóiriú a rinneadh ar an Tionscnamh Eorpach ó na Saoranaigh an próiseas bailithe? 

– Conas a athraíonn an t-athchóiriú próiseas leantach na dtionscnamh ar éirigh leo?

Is iad seo a leanas na pointí is tábhachtaí ón seimineár gréasáin seo:

– Leis an Rialachán nua, déantar an próiseas bailithe sínithe a shimpliú go mór trí bhailiú sonraí a chomhchuibhiú, córas bailithe lárnaigh nua ar líne a thabhairt isteach agus an fhéidearthacht a chur ar fáil do na Ballstáit an aois íosta sínithe a ísliú go dtí 16 bliana d’aois.

– Tá solúbthacht ag na heagraithe tús a chur leis an tréimhse aon bhliana bailithe sínithe a thosú sna 6 mhí tar éis dóibh an tionscnamh a chlárú.

– Leis an Rialachán nua, cuirtear an fhéidearthacht ar fáil chun ‘páirtchlárú’ a dhéanamh agus tugtar an rogha d’eagraithe freisin athbhreithniú a dhéanamh ar a dtogra.