Sa seimineár gréasáin seo, díreofar ar straitéisí éifeachtacha cumarsáide do na meáin shóisialta le haghaidh tionscnaimh
Eorpacha ó na saoránaigh. Marta Azevedo Silva, Bainisteoir Cumarsáide ECAS, agus Ciara Barry, Eagraí an tionscnaimh Eorpaigh ó na saoránaigh dar teideal ‘Éadaí Maithe, Pá Cóir’, tabharfaidh siad léargas ar an mbealach is fearr chun an Tionscnamh Eorpach ó na Saoránaigh a chur in iúl agus a chur chun cinn mar uirlis dhaonlathach rannpháirtíochta agus conas TESanna sonracha eagraithe a chur chun cinn ar na meáin shóisialta. Trí chomhairle phraiticiúil agus fíorthaithí a nascadh le chéile, tabharfaidh an seimineár gréasáin seo straitéis chuimsitheach duit maidir le conas do straitéis chumarsáide féin a fhorbairt le haghaidh tionscnamh Eorpach ó na saoránaigh.
Dáta: Dé Máirt, an 20 Feabhra 2024
Am: 14:30 – 15:30 Am Lár na hEorpa
Líon isteach an fhoirm le clárú: https://ec.europa.eu/eusurvey/runner/ECIForum-Webinar-20Feb2024.
Clár an tSeimineáir Ghréasáin:
1. Réamhrá - Fáilte
2. Cur i láthair ó Vasiliki Mustakis - Comhordaitheoir an Daonlathais Rannpháirtíochta, ECAS maidir leis na
huirlisí tacaíochta atá ar fáil d’eagraithe TES agus conas an méid atá i gceist leis an
Tionscnamh Eorpach ó na Saoránaigh a chur in iúl dóibh siúd nach bhfuil ar an eolas faoi
3. Cur i láthair ó Marta Azevedo Silva - Bainisteoir Cumarsáide, ECAS ar leideanna agus
cleasanna maidir le tionscnaimh a chur chun cinn ar na meáin shóisialta
4. Cur i láthair ó eagraí tionscnaimh Eorpaigh ó na saoránaigh maidir leis an taithí a bhí acu ar a TES a chur chun cinn ar na meáin
shóisialta
5. Ceisteanna agus freagraí
Tiocfaidh tú ar fhreagraí na gceisteanna seo a leanas sa seimineár gréasáin seo:
Cad é Fóram an Tionscnaimh Eorpaigh ó na Saoránaigh agus cad iad na huirlisí tacaíochta atá ar fáil d’eagraithe tionscnaimh?
Conas is féidir le heagraithe a mhíniú go héifeachtach cad atá i gceist leis an Tionscnamh Eorpach ó na Saoránaigh do dhaoine nach bhfuil ar an eolas faoin uirlis seo de chuid an daonlathais rannpháirtíochta?
Cad iad na léargais, leideanna agus cleasanna praiticiúla is féidir a úsáid chun leas a bhaint as na meáin shóisialta chun do TES a chur chun cinn agus aon mhilliún síniú a fháil?
Conas is féidir leat do straitéisí cumarsáide ar na meáin shóisialta a chur in oiriúint do do TES sonrach?
Cainteoirí:
Marta Azevedo Silva, Bainisteoir Cumarsáide, Seirbhís Gnímh na Saoránach Eorpach (ECAS)
Ciara Barry, Eagraí an tionscnaimh Eorpaigh ó na saoránaigh dar teideal ‘Éadaí Maithe, Pá Cóir’
Ardán: Webex
Teanga: Béarla
Na tuairimí atá curtha in iúl ar Fhóram an Tionscnaimh Eorpaigh ó na Saoránaigh, is é dearcadh a n-údar amháin a léiríonn siad agus ní féidir a thuiscint in aon chor go léiríonn siad seasamh an Choimisiúin Eorpaigh nó an Aontais Eorpaigh.
