Kelliem mistieden: Victoria Canu, Freshfields Bruckhaus Deringer LLP
Moderatur: Flavio Grazian, Servizz ta’ Azzjoni għaċ-Ċittadini Ewropej
Lingwi: EN, ES, DE, FR, IT
Jekk tlift il-webinar, iċċekkja r-reġistrazzjoni tal-video (disponibbli bl-Ingliż, il-Ġermaniż, il-Franċiż u t-Taljan) biex titgħallem dwar il-proċessi u l-isfidi tal-abbozzar ta’ inizjattiva taċ-ċittadini Ewropej. Tista’ taċċessa l-verżjonijiet lingwistiċi differenti permezz tal-għażla rispettiva tal-video player.
Victoria Canu hi Assoċjata fi Freshfields Bruckhaus Deringer LLP. Hi tagħmel parti mit-tim ta’ espert legali ewlenin li jaħdmu fis-servizz “Fittex Parir” tal-Forum tal-Inizjattiva taċ-Ċittadini Ewropej.
Aġenda tal-webinar
1. Introduzzjoni minn Flavio Grazian [Minuta 0 sa 3]
2. Ħarsa ġenerali lejn l-Inizjattiva taċ-Ċittadini Ewropej [Minuta 3 sa 5]
3. Mistoqsijiet u tweġibiet bejn Flavio Grazian u Victoria Canu [Minuta 5 sa 38]
4. Mistoqsijiet u tweġibiet bejn il-parteċipanti u Victoria Canu [Minuta 38 sa 44]
F’dan il-webinar, se ssib it-tweġibiet għall-mistoqsijiet li ġejjin:
- Għaliex huwa importanti li taħseb bir-reqqa meta tiġi biex tabbozza l-inizjattiva tiegħek?
- Fuq liema bażi legali l-organizzaturi għandhom jibnu l-inizjattiva tagħhom?
- X’tista’ tkun strateġija tajba meta tabbozza l-inizjattiva minn perspettiva legali?
It-tagħlimiet ewlenin minn dan il-webinar huma:
- Bidla fil-liġi tista’ ssir biss permezz ta’ att legali. Għalhekk, meta tkun qed tabbozza l-inizjattiva tiegħek, trid taħseb aktar bħala avukat milli bħala attivist.
- L-organizzaturi għandhom ikunu preċiżi ħafna fl-abbozzar legali tagħhom u jevitaw titli jew suġġetti ġenerali wisq.
- Ir-referenzi għall-artikoli tat-Trattat dejjem jiddependu fuq il-qasam ta’ azzjoni li tixtieq issegwi.